“Lurralde marketin”aren parioa Euskal Herria 2010 proiektuaren ardatz nagusi gisa ezarri da eta Akitania Eskualdeak eta Pirinio Atlantikoetako Departamenduak diruztatu 2007-2013 Kontratuan datorren operazio baten gaia izan da. 2008 hondarretik goiti, hiru lan fase egin dira, elkarren jarraian, eragile publiko eta pribatu anitzekin eta jardun eremu anitzekoekin.
Horretarako antolamendu juridiko berezi baten zain izan gabe, eragile orok proiektua elkarrekin gidatu nahi ukan dute, sektore anitzekoa baita eta interes publiko eta pribatuak gurutzatzen baitira bertan:
- Sei adar antolatuak:turismoa (Goazen clusterra), hazkurri industria (Uztartu clusterra), sorkuntza industriak (Silographic clusterra), arte lanbideak (ofizialeen ganbera), lerratze kirolak (Eurosima clusterra) eta eraikuntza (Eskal Eureka clusterra)
- Ekonomia alorreko lurraldeko hiru ganberak (Baiona Euskal Herriko Merkataritza eta Industria Ganbera, Pirinio Atlantikoetako Lanbideen eta Ofizialegoaren Ganbera, Pirinio Atlantikoetako Laborantza Ganbera)
- Akitania Eskualdearen Kontseilua eta Pirinio Atlantikoetako Kontseilu Nagusia
- Euskal Herriko Garapen Kontseilua eta Hautetsien Kontseilua
- Euskal Kultur Erakundea
- http://www.eke.org/fr/institut-culturel-basqueEuskararen Erakunde Publikoa
- Estatuaren zerbitzuak
Gaur arte, 300etik gora eragile publiko nahiz pribatu aritu dira, lau urte hauetan egin diren lanetan; lan horiek ez dute, –baliabide eskasengatik eta adostasunen eskasengatik, zenbait adarretan- oraingoz, emaitza jakinik ekarri.