Hautetsien kontseiluak lurralde kontratu berriaren lehen denboraldirako (2015-2017) proiektu deialdiari begira eramandako proiektuen azterketa fasea bukatua da. Joan den azaroan 10 komite tekniko eta tematikoen lanaren ildotik, Ebaluaketa komisioa bildu da (Hirigune eta Herri elkargoen lehendakariek, Estatuko, Departamenduko, Eskualdeko, Hautetsien kontseiluko eta Garapen kontseiluko ordezkariek osatzen dute), urtarrilaren 30an, azterketa horren konklusioen adosteko, proiektuen hierarkizazio baten bidez. Proiektuak bi taldetan banatuak izan dira :
A kategorian sartuak izan diren proiektuek, Hautetsien kontseiluak ezaugarritutako 6 lehentasunekin argiki bat egiten dute eta Euskal Herriaren garapen eta egituratze prozesuan eragin haundia dutela nabarmendu da, ekarpen gehigarri batekin. Bestalde, 1. denboraldian zehar, horien egingaritasunaren baldintzak bilduak direla kontsideratua izan da.
B kategorian sartuak izan diren proiektuen kasuan aldiz, Hautetsien kontseiluak ezaugarritutako 6 lehentasunekin duten lotura ez da hain adierazgarria izan eta horien eragina Euskal Herriaren garapen eta egituratze prozesuari begira ttipiago bezala ebaluatua izan da ; ber maneraz, horien ekarpen gehigarria konfirmatzekoa dela estimatua izan da.
Horren ondorioz, erabakia izan da A kategorian sailkatutako proiektuak partaide instituzionalei proposatzea (Estatua, Departamendua, Eskualdea), Euskal Herria kontratuan sartzeko. Halaere, zehaztekoa da ez dela momentuko inolako segurtasunik proiektu baten edo bestearen finantzamenduari dagokionez.
Finantzamenduaren gaia, laster hasiko den negoziaketa faseari lotua da ; negoziaketa horrek partaide bakoitzaren esku sartzearen modalitateak argitzea eraginen duelarik.
Deskargatu lehentasunezko ekintzen proposamen dokumentua
